DOXOLOG

Bauman dibêye aşînahî dijminê zaninê ye. Ramanekê kûr û bi wate; mirov dema hinek li ser bînahiyê lêdikole mirov fehm dike. Ajalên nêçirvan dema dertên nêçirê xwe li nav pûş û çêreyê vedişêrin, bê hereket disekinin û çêrandin û hereketên nêçira xwe temaşe dikin. Di vê mînakê de bûyerekê fêrker heye. Nêçir tevdigere, hereket dike, berê wê, kêleka wê an pişta wê dikeve nêçirvan. Nêçirvan bir rengê xwe yê dişibe puş, bi sekna xwe ji hola bînahiyê radibe, di kurtedemek de tunne dibe. Nêçir obje ye, nêçirvan subje ye, nêçir lawaz e, nêçirvan xurt e, nêçir nezan e, nêçirvan zana ye... Û vê dîkotomiyê ji tersbûna halên wan dizê. Ewê ku hereketê dibîne, pê dihîse li ser difikire, fikr û  pêkaniya kirinê vedike. Ewê ku ji hereketê ne haydar e nezan e. Xezal aşinayê bêtevgerinê ye, şêr li benda derfetê ye. Li çavên şêr binêrin, ew li pêşiya serê şêr in, yên xezalê li kêleka ser in. Xwezayê wan li gor vê prensibê ava kirîye. Şêr rast e rast bi pencan xwe diavêje ser xezalê, xezal li aliyê din...

Cihan, Civak û Peywendîyên Navkesan 1.1 : Cihan, beriya her tiştî cihaneka neyeksan e. Bi gelemperî di bin bandora Pergala Sermayedarîyê (Capitalist System) de ye. Mirov, an faîl bi têkiliyên ne yeksan, di xalên cûda yên der û deman de ji hev cihê bi cîh bûne. 1.1.1 : Neyeksanî bi formên cûda xuya ne, lê tev bi hevdu re statu ya kesan diyar dikin. Her formeka neyeksanîyê bi formeka sermayeyê ve girêdayî ye.  Formên sermayê kêm zêde wiha tên jimartin: a) Sermayeya Aborî (Economic Capital) b) Sermayeya Sosyal (Social Capital) c) Sermayeya Şaneyî (Symbolic Capital) d) Sermayeya Çandî (Cultural Capital) Mînak zêde dibin. Tê karin ku bê gotin çavkaniya her neyeksanîyekê dibe ku bibe çavkaniya sermayeyekê. Xweşiktir bûn, tê karin ku bê gotin sermaye ya estetîk e, jîrtir bûn, tê karin ku bê gotin sermayeya neurolojîke e û hwd, ji ber ku ew bi rengên cuda be jî neyeksaniyan dixin navbera mirovan. 1.1.2 : Neyeksanî ya gelemper, ji neyeksaniya di belavkirina formên sermayeyê de dizê...